Son bir ildə Azərbaycanda ölkə üzrə pensiyaçıların ümumi sayında artım olsa da, rayon və şəhərlərin əksəriyyətində pensiyaçıların sayında azalma qeydə alınıb.

FED.AZ REGİONLAR xəbər verir ki, 2025-ci ilin yanvar-sentyabr dövrünün sonuna olan məlumata görə, Azərbaycanda ümumilikdə 1 milyon 100 min 19 nəfər pensiyaçı var, bu bir il əvvəllə müqayisədə 1488 nəfər artıqdır. Xatıroadaq ki, ötən ilin eyni dövründə ölkədə 1 milyon 98 min 531 pensiyaçı vardı.

Bununla yanaşı, FED.az-ın araşdırması göstərir ki, ölkədə pensiyaçıların sayının artımı əsasən Bakıda baş verib, bölgələrdə isə pensiyaçılar azalmaqdadır.

Belə ki, göstərilən dövrdə Bakıda pensiyaçıların sayında 6823 nəfər artım olub. Bu o deməkdir ki, həmin müddətdə regionlarda pensiyaçıların sayı ümumilikdə 4335 nəfər azalıb.

Bəzi regionlarda pensiyaçıların sayı daha kəskin azalıb. Belə ki, ən çox azalma Lənkəran, Masallı, Xaçmaz, Gəncə və Sumqayıtda qeydə alınıb. Belə ki, Lənkəranda pensiyaçıların sayı 577 nəfər, Masallıda 546 nəfər, Xaçmazda 552 nəfər, Gəncədə 512 nəfər azalıb. Ümumilikdə təkcə bu 5 rayonda pensiyaçıların ümumi sayında 2700 nəfər azalma baş verib. Ümumilikdə, ölkə üzrə 40 rayonda pensiyaçıların azalması baş verib.