Azərbaycanda ən az tender keçirən rayonlar

Regionlar

Azərbaycanda ən az tender keçirən rayonlar – SİYAHI

17:03 7 Yan 2019

Azərbaycanda 2018-ci ildə dövlət satınalmaları üzrə keçirilən tenderlərdə rayonlar üzrə böyük fərqlər var. Bəzi rayon və şəhərlərdə tenderlər az olub, bir çox rayonlarda isə ümumiyyətlə, tender keçirilməyib və ya bununla bağlı məlumatlar açıqlanmayıb.

FED.az TENDER Dövlət Satınalmaları portalına istinadən xəbər verir ki, respublika üzrə 64 rayondan işğal altında olan rayonları nəzərə almasaq qalan 18 rayonda keçirilən tenderin sayı 10 dan az olub və 3 rayonda isə tender keçirilməsi haqqında məlumat ümumiyyətlə yoxdur.

Eləcə də bax: Sabirabadda dövlət tenderlərini kim udur? – ADLAR, MƏBLƏĞLƏR

2018-ci ildə 10-dan az tenderdə iştirka etmiş 18 rayon aşağdakılardır
Bu rayonlardan ən çox tender keçirən Saatlı, ən az keçirən isə Xızı, Qazax, Qobustan rayonları olub.

Maraqlıdır ki, bunlardan Zərdab rayonunda 5 tenderin hamısı xəstəxana tərəfindən keçirilib və bu müqavilələrin hamısı Azərbaycanın “Tender çempionu” olan “İnpeks.N” MMC ilə bağlanıb. Bu müqavilələrin ümumi dəyəri 188 min 838 manat təşkil edib.

Ağdaşda da 2018-ci il ərzində 9 müqavilə imzalanıb, bu müqavilələrin 7-i yenə də “İnpeks.N” MMC ilə imzalanıb və müqavilələrin ümumi məbləği 520 min 170 manat olub. Bu tenderlər Ağdaş Mədəniyyət İdarəsi tərəfindən keçirilib.

Ağdamda bağlanan 7 müqavilənin isə 5-i “Saqa” MMC ilə imzalanıb. Bu müqavilələr cari təmir işləri, bərk inventarların, geyim əşyalarının alınması üzrə oub və ümumi məbləğ 31 min 375 manat olub.

Bu rayonlardan ən yüksək məbləğdə müqavilə bağlayan Masallı rayonu ( 3,1 mln manat) olub, ən aşağı məbləğdə müqavilə isə Qazax rayonunda (28,5 min manat) bağlanılıb.

Rayonlar	Tenderlərin sayı	Məbləğlər (manat)
Ağsu	6	1 660 789
Lerik	5	3 188 064
Masallı	4	3 108 651
Saatlı	10	984 532
Zərdab	5	188 838
Yevlax	5	1 240 779
Ağdam	7	94 212
Xızı	2	142 855
Qazax	2	28 490
Şabran	8	1 227 769
Ağdaş	9	840 922
Gədəbəy	7	186 074
İmişli	6	1 277 391
Qobustan	2	357 053
Qusar	8	575 194
Samux	5	358 489
Yevlax	5	1 240 779
Göyçay	3	61 842

Bundan əlavə 2 rayonda – Naftalan və Yardımlıda, eləcə də Naxçıvan Muxtar Respublikası üzrə də ümumiyyətlə tender nəticələri yoxdur. Bunlardan Naftalan sonuncu satınalmasını 27 dekabr 2017-ci ildə həyata keçirib. Digər 2 bölgədəki tenderlər haqqında ümumiyyətlə tender məlumatı yoxdu.