2025-ci ilin göstəricilərinə əsasən, Azərbaycandan xarici ölkələrə köçürülən vəsaitlərin həcmində illik müqayisədə artım dinamikası açıqlanıb.
FED.az xəbər verir ki, hesabat dövründə bəzi ölkələrə pul axınında əhəmiyyətli artım qeydə alınıb.
Renkinqə Avstriya başçılıq edir. Bu ölkəyə köçürmələr ötən illə müqayisədə 65,4% və ya 4 milyon 910 min manat artıb.
İkinci yerdə Belarus qərarlaşıb – burada artım 19,8% və ya 646 min manat olub.
İsrail 19,6% və ya 1 milyon 775 min manat artım tempi ilə üçüncü sırada yer alıb. Rusiya Federasiyasında isə artım 19,4% və ya 66 milyon 830 min manat təşkil edib və dördüncü olub.
Digər ölkələr üzrə artım göstəriciləri aşağıdakı kimidir:
Sinqapura köçürmələrdə 14,8% və ya 387 min manat artım qeydə alınıb. "Digər dövlətlər" kateqoriyası üzrə artım 12,3% və ya 4 milyon 320 min manat olub.
Siyahını Almaniya (7,6% və ya 1 milyon 322 min manat) və İsveçrə (2,6% və ya 199 min manat) tamamlayır.
