Rusiya Qızıl Xaç Komitəsinin yük maşını ilə bu gün Xankəndiyə çatdırılan yardımın siyahısı dərc olunub.
Ceyhun Mirzəyev: “Ərzaqdolu maşın Xankəndiyə çatıb, yüklər boşaldılır”
FED.az xəbər verir ki, siyahı aşağıdakı kimidir:
1. Ərzaq paketləri - 1000 paket
Bir paketə daxildir:
- Günəbaxan yağı 0.9 l - 1 ədəd
- Şəkər tozu 1 kq - 1 ədəd
- Buğda unu 2 kq - 1 ədəd
- Boruşəkilli makaron 500 qr - 3 ədəd
- Qarabaşaq yarması 1 kq - 1 ədəd
- Buğda 1 kq - 1 ədəd
- Manna yarması 1 kq - 1 ədəd
- Yulaf 0,5 kq - 1 ədəd
- Ət konservi 0,5 kq - 5 ədəd
Bir paketin ümumi çəkisi - 11,4 kq
2. Yataq dəsti - 270 dəst
Bir dəstə daxildir:
- Yataq dəsti - 1 ədəd
- Döşəkçə - 1 ədəd
- Adyal - 1 ədəd
3. Gigiyenik dəstlər - 200 dəst
Bir dəstə daxildir:
- Diş fıraçaları - 3 ədəd
- Sabun - 10 ədəd
- Termometr - 1 ədəd
4.Uşaq dəstləri - 192 dəst
Bir dəstə daxildir:
- Uşaq üçün kisel - 1 ədəd
- Vitamin həbləri - 3 ədəd
- Diş fırçası - 1 ədəd
- Uşaq üçün pürelər - 1 səbət (8 ədəd)
- Uşaq üçün balıq yağı (kapsullar) - 1 ədəd
- Uşaq pudrası - 1 ədəd
Qeyd edək ki, bu gün Rusiya Qızıl Xaç Cəmiyyəti tərəfindən göndərilən yükün Xankəndinə keçidi baş tutub. Rusiya Qızıl Xaç Cəmiyyəti tərəfindən ərzaq və qeyri-ərzaq məhsulları ilə dolu, ümumilikdə 1 TIR ərzaq yükü artıq Ağdam rayonundan keçərək Xankəndinə doğru hərəkət edib.
Xatırladaq ki, Rusiya hökumətinin təşəbbüsü ilə Azərbaycan Qızıl Aypara Cəmiyyəti və Rusiya Qızıl Xaç Cəmiyyətinin birgə əməkdaşlıq memorandumuna əsasən, Rusiya tərəfindən Azərbaycanın Qarabağ iqtisadi rayonunda yaşayan erməni sakinlərinin ərzağa olan ehtiyaclarının qarşılanması məqsədi ilə, Rusiya Qızıl Xaç Cəmiyyəti tərəfindən göndərilən ərzaq və qeyri-ərzaq məhsulları ilə, ümumilikdə 1 TIR ərzaq yükü 2 gündür Bərdə şəhərində gözlədilirdi. Separatçı erməni dəstələri humanitar yardımın Ağdam-Xankəndi yolu ilə Xankəndinə getməsinə maneə törədirdi. (Trend)
