Bu gün baş verən yanğınla bağlı nəqliyyatda problem yaranıb.
FED.az Bakı Nəqliyyat Agentliyinə istinadən xəbər verir ki, Bakı şəhəri, Yasamal rayonu, Şəfaət Mehdiyev küçəsində çoxmərtəbəli yaşayış binasında baş verən yanğınla əlaqədar qeyd edilən ərazidə nəqliyyat vasitələrinin hərəkətində məhdudiyyətlər yaranıb. Bu səbəbdən də Ş.Mehdiyev küçəsi və Tbilisi prospekti şəhər istiqamətndə hərəkət edən müntəzəm marşrut xətti üzrə avtobusların hərəkət intervalında da gecikmələr müşahidə edilib.
Agentlikdən bildirilib ki, hazırda avtobuslararası intervalın stabilləşməsi üçün zəruri tədbirlər görülür. Sərnişinlərdən bunu anlayışla qəbul etmələrini xahiş edirik.
Yanğınla bağlı - NƏQLİYYATDA PROBLEM YARANIB
14:51
25 Fev 2019
