İrlandiya loukosteri “Ryanair” Avropa reyslərinə biletləri çox ucuz qiymətə (1 avrodan 10 avroya qədər) almaq mümkün olan məşhur aksiyaları ləğv edəcək. Bu barədə “BBC”yə müsahibəsində aviadaşıyıcının icraçı direktoru Maykl O’Liri məlumat verib.

Eləcə də bax: AZAL-ın gəlirləri - 32 DƏFƏ ARTIB

FED.az Banker.az-a istinadən xəbər verir ki, onun sözlərinə görə, bu, təyyarə yanacağının qiymətinin sürətlə artması ilə əlaqədar məcburi tədbirdir. Şirkət həmçinin standart gediş haqqının qiymətini qaldırmağa məcbur olacaq. Beləliklə, yaxın beş il ərzində “Ryanair” ilə uçuşun orta qiyməti indiki 40 avrodan təxminən 50 avroya qədər artacaq.

“Şübhə yoxdur ki, bütün loukosterlər arasında biz ən ucuz tariflər təklif edirik – 1, 0.99 və ya 9.99 avro. Düşünmürəm ki, yaxın bir neçə ildə daha belə qiymətlər görməyəcəksiniz”, – deyə Maykl O’Liri söyləyib.

Eyni zamanda, o, əmindir ki, aksiyaların ləğvi sərnişin axınının azalmasına səbəb olmayacaq: inflyasiyanın ümumi artımı fonunda insanlar daha ucuz səyahət variantları axtaracaqlar, bu isə loukosterlərin yeni müştərilər alacağı deməkdir.