Rusiyadan İsrail, Birləşmiş Ərəb Əmirlikləri və Qazaxıstan da daxil olmaqla vətəndaşlar üçün vizasız ölkələrdə yaxın tarixlərə aviabiletlərin qiyməti 10 dəfə artıb. Belə ki, xidmətlərdən birinin məlumatına görə, Təl-Əvivə uçuşun qiyməti 378 min rubldan (10 773 AZN), Dubaya - 373 min rubldan (təxminən 10 630 AZN), Astanaya 134 min rubldan (3 819 AZN) başlayır.

Eləcə də bax: Rusiyanın Gürcüstanla sərhədində 2 000 avtomobil tixac yaratdı - VİDEO

FED.az xəbər verir ki, yaxın tarixlər üçün İstanbula biletlərin qiyməti 100 000 rubla (2 850 AZN), Bakıya - 115 000 rubla (təxminən 3 277 AZN) qədər artıb.

İrəvan və Daşkəndə aviabiletlərin qiyməti daha ucuzdur - müvafiq olaraq 65 min (təxminən 1 852 AZN) və 60 min (1 710 AZN) rubl. (Oxu.az)