Banner

Nəqliyyat

Prezidentdən "Ləki-Qəbələ" - TAPŞIRIĞI

Prezidentdən "Ləki-Qəbələ" - TAPŞIRIĞI | FED.az
16:42 13 Noy 2019

FED.az xəbər verir ki, Azərbaycan Prezidenti Ləki-Qəbələ dəmir yolunun yay mövsümünə qədər istifadəyə verilməsini tapşırdı.

Eləcə də bax: Azərbaycanda yeni dəmiryolunun çəkilişinə başlanır -  PUL AYRILDI SƏRƏNCAM

Xəbər verdiymiz kimi,  Prezident İlham Əliyev “Azərbaycan Dəmir Yolları” Qapalı Səhmdar Cəmiyyətinin sədri Cavid Qurbanovu qəbul edib.

Prezident “Ləki-Qəbələ yolunun tikintisi nə yerdədir?” deyərək Qurbanovdan soruşub.

Cavid QURBANOV: Ləki-Qəbələ yolunun tikintisi davam edir. Bu yolun uzunluğu 46 kilometrdir.

Prezident İlham ƏLİYEV: Amma hələlik torpaq işləri aparılır?

Cavid QURBANOV: Bəli, torpaq işləri aparırıq, yolun 11 kilometrini artıq qoymuşuq. Süni qurğular 100 ədəddir. Bunun 100-nü də artıq yerləşdirmişik, körpülər, istinad dayaqları və sair. İş davam edir.

Prezident İlham ƏLİYEV: Nə vaxt hazır olacaq?

Cavid QURBANOV: Bizim hesablamalarımıza görə, gələn ilin ortalarına, təqribən avqust-sentyabr aylarına artıq istifadəyə hazır olacaq.

Prezident İlham ƏLİYEV: Çalışın, yay mövsümünə qədər istifadəyə verilsin. Çünki yay aylarında o bölgələrə daha çox vətəndaş gedir. Ona görə, çalışın, yay mövsümünə qədər başa çatdırasınız.

Cavid QURBANOV: Baş üstə, cənab Prezident. Bizim dəmir yollarımızın 60 faizi Sovetlər Birliyi dövründə elektrikləşdirilmiş yollardır. Bu, həm Zaqatala-Qəbələ tərəfdədir, həm Astara zonasındadır. Sizin tapşırığınızdan sonra biz bu yollar üçün də 2-3 dizel qatarı sifariş etmişik. İki yeni qatarımız da gəlir. Qəbələyə işləyəcək bu qatarları sınaqdan keçirmək üçün Gəncə dəmir yoluna buraxacağıq.

Marja

Digər xəbərlər

Banner