Banner

Nəqliyyat

Ən çox şikayət edilən 3 marşrut sahibindən alındı - 7 XƏTT MÜSABİQƏYƏ ÇIXARILDI - BNA-dan AÇIQLAMA

Ən çox şikayət edilən 3 marşrut sahibindən alındı - 7 XƏTT MÜSABİQƏYƏ ÇIXARILDI - BNA-dan AÇIQLAMA | FED.az
15:24 8 Fev 2020

Bakı Nəqliyyat Agentliyi (BNA) Bakıda marşrut xətləri ilə bağlı ciddi yeniliklər edib. 

Bakı Nəqliyyat Agentliyindən FED.az-a verilən məlumata görə, ötən ilin dekabrında 11, 30, 40, 71 və 199 nömrəli müntəzəm marşrutlar xətləri üzrə elan olunan müsabiqə yekunlaşıb.

Nəticələrə əsasən 11, 30 və 40 nömrəli müntəzəm marşrut xətləri üzrə “BakuBus” MMC qalib elan olunub. Qeyd edilən marşrut xətləri üzrə sərnişindaşıma fəaliyyətinin “BakuBus” MMC tərəfindən həyata keçirilməsi mərhələli şəkildə təmin oluncaq. Bununla bağlı əvvəlcədən ictimaiyyətə məlumat veriləcək.

71 və 199 nömrəli marşrut xətləri üzrə isə daşımalar növbəti müsabiqələr keçirilənədək müvəqqəti olaraq əvvəlki daşıyıcılar tərəfindən icra ediləcək. 

"Həmçinin, bildiririk ki, sərnişindaşımada nəqliyyat xidmətləri üzrə keyfiyyət və təhlükəsizliyin artırılması məqsədilə 12, 24, 32, 35, 67, 93 və 211 nömrəli müntəzəm marşrut xətləri müsabiqəyə çıxarılıb. Daxil olan vətəndaş müraciətləri əsasında sadalanan müntəzəm marşrut xətləri üzrə təhlillər aparılıb və bir sıra çatışmazlıqların olduğu müəyyən edilib. Bunu nəzərə alaraq, qeyd edilən xətlərin müsabiqəyə çıxarılması qərara alınıb. Müsabiqənin şərtləri və qaydaları barədə ictimaiyyətə əlavə məlumatlar veriləcək"-deyə BNA-dan bildirilib.

Digər xəbərlər

Banner