Banner

Nəqliyyat

Dünyanın ən böyük təyyarəsi Bakıda - FOTO, VİDEO

Dünyanın ən böyük təyyarəsi Bakıda - FOTO, VİDEO | FED.az
14:58 19 Aprel 2020

Aprelin 19-da səhər saatlarında Heydər Əliyev Beynəlxalq Aeroportunda dünyanın ən iri An-225 "Mriya" hava gəmisi eniş edib. Hava Limanından FED.az-a veriən məlumata görə, əlavə yanacaq doldurmaq məqsədilə Bakının hava limanında enən təyyarə Qazaxıstandan Fransaya kommersiya reysi yerinə yetirir.

"Mriya"  aviasiya tarixində dünyanın ən iri və ən ağır yükgötürmə qabiliyyətinə malik olan hava gəmisidir və 1988-ci ildə "Antonov" aviasiya konserni tərəfindən  bir nüsxədə istehsal edilmişdir. Hazırda eyni adlı "Antonov Airlines" yük aviaşirkətinin rəhbərliyi altında istismar olunur.

Bu, "Mriya"nın (Ukrayna dilində "arzu" deməkdir) Bakıda ilk enişi deyil. Heydər Əliyev Beynəlxalq Aeroportu belə böyük təyyarəni qəbul etməyə hazır olan uçuş-enmə zolağı ilə təchiz edilmiş məhdud sayda dünya hava limanları sırasına daxildir.

Qeyd edək ki, Heydər Əliyev Beynəlxalq Aeroportu həmçinin dünyanın ən iri "Airbus A380" sərnişin laynerini  dəfələrlə qəbul etmişdir.

Dünyanın ən böyük təyyarəsi Bakıda - FOTO, VİDEO | FED.azDünyanın ən böyük təyyarəsi Bakıda - FOTO, VİDEO | FED.azDünyanın ən böyük təyyarəsi Bakıda - FOTO, VİDEO | FED.azDünyanın ən böyük təyyarəsi Bakıda - FOTO, VİDEO | FED.azDünyanın ən böyük təyyarəsi Bakıda - FOTO, VİDEO | FED.az

Digər xəbərlər

Banner