Banner

Nəqliyyat

Dövlət Avtomobil Nəqliyyatı Xidməti yeni marşrut xəttini - İSTİFADƏYƏ VERİR

Dövlət Avtomobil Nəqliyyatı Xidməti yeni marşrut xəttini - İSTİFADƏYƏ VERİR | FED.az
12:18 6 Dek 2019

Əliçıraq yaşayış massivinin sakinlərinin çoxsaylı xahişlərini və Bakı Beynəlxalq Avtovağzal Kompleksinə gələn sərnişinlərin sıxlığını nəzərə alaraq Nəqliyyat, Rabitə və Yüksək Texnologiyalar Nazirliyi yanında Dövlət Avtomobil Nəqliyyatı Xidməti (DANX) 592 nömrəli marşrut xəttinin hərəkət trayektoriyasını dəyişdirərək yeni istiqamət müəyyən edilməsi ilə bağlı qərar verib.

Eləcə də bax: DANX monitorinq qrupu yaratdı - YOXLAMALARA BAŞLAYIR

DANX-dən FED.az-a bildirilib ki, artıq 592 saylı marşrut xətti başlanğıcını Əliçıraq yaşayış massivindən götürərək Mehdiabad bazarı, 5 nömrəli orta ümumtəhsil məktəbi, Abşeron Gənclər Şəhərciyi, Binəqədi Mərkəz, Xırdalan dairəsi olmaqla son dayanacağını Bakı Beynəlxalq Avtovağzal Kompleksində yekunlaşdıracaq. Dəyişikliyə bu gündən başlanılacaq və 592 nömrəli xəttin yeni istiqamətdə hərəkət edən marşrutu "592A" adı ilə sərnişinlərə xidmət edəcək. 592 nömrəli marşrut xətti isə Xırdalan şəhəri daxilində yeni marşrut xətti istifadəyə verilənə qədər sərnişinlərin rahat daşınması üçün əvvəlki hərəkət sxemi üzrə fəaliyyət göstərəcək.

Digər xəbərlər

Banner