Bakı-Sumqayıt yolunda böyük tıxac yaranıb.
 
Yolda olan sürücülərin verdiyi məlumata görə, yolda tıxac 2 saata yaxındır davam edir. 20 yanvar dairəsi bağlandığından həm Bakıya giriş, həm də şəhərdən çıxış mümkünsüz olub.
 
ELƏCƏ DƏ BAX: Babək prospektinin bir hissəsi bağlanacaq
 
Sumqayıta getmək istəyən sərnişinlərin böyük bir hissəsi isə metronun 20 yanvar stansiyasının yaxınlığındakı körpünün üstünə çıxıb avtomobil gözlədiklərindən həmin yolda da avtomobillər yalnız bir cərgə hərəkət etmək məcburiyyətində qalıb.
 
Əraziyə əlavə polis qüvvələri cəlb olunsa da, hələ ki problemi həll etmək mümkün olmayıb. Tıxacın hansı səbəbdən yaranması ilə bağlı hər hansı məlumat verilmir.