Banner

Nəqliyyat

Bakı-Sumqayıt yolu necə olacaq? - SƏDR AÇIQLADI

Bakı-Sumqayıt yolu necə olacaq? - SƏDR AÇIQLADI | FED.az
11:15 21 Fev 2020

Fevralın 22-də Azərbaycan Avtomobil Yolları Dövlət Agentliyi əməkdaşlarının peşə bayramı günüdür.

Eləcə də bax: Bakı-Sumqayıt yolu - NECƏ GENİŞLƏNDİRİLİR?

FED.az xəbər verir ki, bu gün bu münasibətilə Agentlik rəhbərliyi, vəzifəli şəxsləri və əməkdaşları Fəxri xiyabanda ümummilli lider Heydər Əliyevin məzarını ziyarət ediblər. Onlar məzarın önünə gül dəstələri qoyaraq Heydər Əliyevi anıblar. Daha sonra Agentlik heyəti Şəhidlər Xiyabanını ziyarət edib.

 Agentliyinin İdarə Heyətinin sədri Saleh Məmmədov jurnalistlərə açıqlamasında bildirib ki, Bakı-Sumqayıt yolunun 6,5-14-cü kilometrliyinin yenidən qurulması üçün artıq üç aydır işə başlanılıb:

"Biz çalışırıq ki, mayın sonuna qədər həmin yol hissəsini yeni açılmış tunellərlə birlikdə istifadəyə verək. Həmin yolun genişləndirilməsində siz yeni bir yol tənzimlənməsi də görəcəksiniz. Bu, "20 Yanvar" dairəsindən başlayaraq Masazır körpüsünə kimi yeni bir yol qovşağı olacaq. Həmin sistemi vətəndaşlar reallıqda görəcək. Bu yol sərnişinlərin rahat gediş-gəlişinə şərait yaradacaq. Sumqayıtdan Bakı istiqamətində Beynəlxalq Avtovağzalın yaxınlığında yeni tunel salınması ilə bağlı layihəni hazırlayıb təqdim etmişik. Bakı Nəqliyyat Agentliyi, Nəqliyyat, Rabitə və Yüksək Texnologiyalar Nazirliyinin Nəqliyyat İdarəsi, Arxitektura və Şəhərsalma Komitəsi ilə birlikdə layihəyə baxılacaq, təsdiqləndikdən sonra icrasına başlanılacaq".

Qafqazinfo

Digər xəbərlər

Banner