Banner

Nəqliyyat

Bakı Beynəlxalq Avtovağzalının - SAHİBİ VƏ RƏHBƏRİ DƏYİŞİB

Bakı Beynəlxalq Avtovağzalının - SAHİBİ VƏ RƏHBƏRİ DƏYİŞİB | FED.az
20:24 26 Fev 2020

“Bakı XXI Əsr” MMC-nin direktoru vəzifəsinə Səidə Əflatun qızı Baxşıyeva təyin edilib, o bu vəzifədə İsmayıl Əliyevi əvəz edib.

FED.az biznes və maliyyə xəbərləri portalı Turana istinadən xəbər verir ki, bu barədə Azərbaycanın kommersiya təşkilatları reyestrində deyilir.

Avtovağzalın yeni rəhbəri Səidə Baxşiyeva PASHA Holding konqlomeratına daxil olan azı beş şirkətin (“Shahdag Hotel Company”, “Yeni İntourist Hotel Company”, “Yeni Bilgəh Hoteli”, “Baku Boulevard Hotel Company” və “Baku Hospitality Company”) rəhbəridir.

Beləliklə, ehtimal etmək olar ki, “Bakı XXI Əsr” MMC-nin mülkiyyətində olan Bakı Beynəlxalq Avtovağzal Kompleksi bu holdinqin nəzarətinə keçib.

Bakı Avtovağzal Kompleksi 2004-2009-cu illərdə tikilib və KİV-in məlumatına görə tikinti işlərinə 80-100 mln. dollar yatırılıb.

“Bakı XXI Əsr” MMC keçmiş nəqliyyat naziri Ziya Məmmədovun qardaşı Elton Məmmədova məxsusdur.
Avtovağzal kompleksinə həmçinin otel, ticarət mərkəzi, yanacaq doldurma kompleksi, ictimai iaşə obyektləri və digər kommersiya obyektləri daxil idi. 2019-cu ildə “Bakı XXI Əsr” MMC-ə dəyişiklik edilib, nəticədə yeni “Krosvey” MMC yaradılıb (şirkətin istifadəsində avtovağzal ərazisində eyni adlı mehmanxana var). “Krosvey” MMC-nin direktoru Cümşüd Bağırovdur. O həmçinin avtobus sərnişin daşınması ilə məşğul olan “Azerbaijan Ground Services” şirkətinə rəhbərlik edir.

Digər xəbərlər

Banner