Nəqliyyat

Azərbaycan şirkəti İran-Azərbaycan-Rusiya marşrutu ilə süd məhsulları - Daşımağa Başlayıb

Azərbaycan şirkəti İran-Azərbaycan-Rusiya marşrutu ilə süd məhsulları - Daşımağa Başlayıb | FED.az
10:44 3 Sen 2020

“Azərbaycan Dəmir Yolları“ QSC-nin (ADY) törəmə müəssisəsi - “ADY Express” MMC-nin Azərbaycandan tranzit rejimində nəql etdiyi bir sıra yük növlərndə artıb.

FED.az xəbər verir ki, bu barədə şirkətin açıqlamasında bildirilib. 

Məlumatda bildirilir ki, bunu ilk növbədə Şimal-Cənub Beynəlxalq Nəqliyyat Dəhlizi çərçivəsində həyata keçirilən yükdaşımalara aid etmək olar. 

Belə ki,  Astara yük terminaldan keçərək, İran-Azərbaycan-Rusiya marşrutu ilə nəql olunan süd məhsulları və meyvə yükdaşımalarında artım müşahidə olunur. "ADY Express" artıq İrandan Rusiyaya 1 000 ton quru süd və pəndir nəql edib. Bununla yanaşı, şirkət 2 ay ərzində Astaradan Həştərxana 5 050 ton meyvə nəql etməyə müvəffəq olub.

Yükdaşımalar şirkətin təqdim etdiyi refsekisyalarla (refrijerator vaqonlar) həyata keçirilib. Vaqonlar Astara (İran) yük terminalında yüklənərək Şimal-Cənub Beynəlxalq Nəqliyyat Dəhlizi ilə təyinat nöqtələrinə nəql edilib.

Bununla yanaşı "ADY Express", Astara-Ələt-Xəzər Dənizi-Qazaxıstan-Tacikistan marşrutu ilə, Azərbaycandan tranzit rejimində keçməklə, İrandan Tacikistana biskvit və çay nəql edib ki, bu da həm seçilən marşrut həm də daşınan yük növündə yenilik idi. Bü yüklər də, şirkətin təqdim etdiyi refsekisyalarla daşınıb. 

Digər xəbərlər