"Azərbaycan Hava Yolları" QSC-nin (AZAL) Bakı-Peterburq aviareysinin sərnişinlərinə məxsus yüklərin bir qismi Azərbaycan paytaxtında qalıb.
FED.az xəbər verir ki, bu barədə Rusiya mətbuatı məlumat yayıb.
Eləcə də bax: “Buta Airways” İstanbula reys açır – 75 MANAT
Məlumata görə, ötən gün, saat 11-də təyyarə ilə Peterbuqra çatmış sərnişinlər Bakı aeroportunda təhvil verdikləri bəzi yükləri əldə edə bilməyiblər. Buna səbəb kimi isə həmin avireys üzrə daşınan yüklərin həddindən çox olması göstərilib. Yəni, təyyarənin normadan artıq yüklənməməsi üçün yüklərin bir qisminin Heydər Əliyev Beynəlxalq Aeroportunda saxlanılması və növbəti reyslə göndərilməsi qərara alınıb.
