Nəqliyyat

AZAL iyulun 4-də İstanbula əlavə xüsusi reys - YERİNƏ YETİRƏCƏK

AZAL iyulun 4-də İstanbula əlavə xüsusi reys - YERİNƏ YETİRƏCƏK | FED.az
21:21 1 İyul 2020

İyul ayının 4-də Azərbaycanın milli aviadaşıyıcısı Bakı-İstanbul Bakı marşrutu üzrə daha bir xüsusi reys yerinə yetirəcək.

Eləcə də bax: Biletlərin müxtəlif şəxslər tərəfindən satılması barədə - AZALDAN AÇIQLAMA

Bu barədə FED.az-a Azərbaycan Hava Yollarından (AZAL) məlumat verilib.

Aviabilet satışı aviaşirkətin rəsmi www.azal.az saytında başlanıb.

Bakı-İstanbul-Bakı istiqamətində uçuş “Airbus A320” təyyarəsində ekonom sinifdə 168 sərnişin nəzərdə tutulmaqla yerinə yetiriləcək.

Tariflər avqustun sonunadək yerinə yetirilməsi planlaşdırılan xüsusi reyslərin satışı zamanı tətbiq edilən tariflərlə analojidir.

Tələbələr aviabilet alışı zamanı 30% həcmində güzəştdən yararlana biləcəklər. Bu məqsədlə, aviaşirkətin saytında təxsis rəsmiləşdirildikdən sonra immiqrasiya sənədinin və pasportun skan edilmiş surəti saytda geri əlaqə forması və ya WhatsApp mesenceri vasitəsilə aviaşirkətin çağırış mərkəzinə göndərilməlidir. Güzəştli aviabiletin rəsmiləşdirilməsi üzrə ətraflı videotəlimatla burada tanış ola bilərsiniz: https://youtu.be/HylsY0m9cEM

Xatırladırıq ki, yeni qaydalara əsasən, uçuşlara yalnız koronavirus (COVID-19) testindən keçən sərnişinlər buraxılacaq. 

Digər xəbərlər