Frankfurt-Almatı-Astana reysi ilə uçan sərnişin təyyarəsi Heydər Əliyev Beynəlxalq Aeroportuna eniş edib.
FED.az xəbər verir ki, bu barədə Heydər Əliyev Beynəlxalq Aeroportu məlumat yayıb.
Bildirilir ki, Astana hava limanında güclü duman səbəbindən “Lufthansa”nın Frankfurt-Almatı-Astana reysi ilə uçan DLH-649 reysinin kapitanı Heydər Əliyev Beynəlxalq Aeroportunda eniş etmək qərarına gəlib.
Göyərtəsində 123 sərnişin olan “Airbus A330” təyyarəsi yerli vaxtla saat 06:58-də Bakı hava limanına enib.
Hava gəmisi kapitanının qərarı ilə saat 08:38-də təyyarə Bakı hava limanından Frankfurta geri dönüb.
