İnvestisiya

“Unicapital İnvestisiya Şirkəti”nin rəhbəri dəyişib

“Unicapital İnvestisiya Şirkəti”nin rəhbəri dəyişib | FED.az
10:56 11 Aprel 2019

“Unicapital İnvestisiya Şirkəti” ASC-nin baş meneceri Heydər İbrahimli öz istəyi ilə vəzifəsindən azad edilib.

Bu barədə FED.az-a «Unicapital»ın təsisçisi olan «Unibank»dan bildirilib. 

Eləcə də bax: «Günay Sığorta»da kadr dəyişiklikləri – TƏYİNATLAR

Verilən məlumata görə, «Unicapital» İnvestisiya Şirkəti ASC-nin Səhmdarlarının 25.01.2019-cu il tarixili qərarı ilə 01.02.2019-cu il tarixdən etibarən Nadir Babazadə Unicapital İnvestisiya Şirkətində Baş menecerin vəzifəsini müvəqqəti icra edən təyin olunub.

"Nadir Babazadə bu vəzifəyə təyin olunmazdan əvvəl Unicapital İŞ-nin Marjinal Ticarət departmanetinin müdiri vəzifəsində çalışıb. O, 2013-cü ildən Unibank komandasında çalışır"-deyə bankdan bildirilib. 

Unicapital İnvestisiya Şirkətinin keçmiş baş meneceri Heydər İbrahimli öz xahişi ilə bu vəzifədən ayrılıb. 

Keçmiş baş menecer isə fəaliyyətini “İnvest-Az İnvestisiya Şirkəti” QSC-də direktor müavini kimi davam etdirir.
 

Digər xəbərlər