Azərbaycanda 2020-ci ilin ilk rübündə ən çox və ən az sərmayə yatırılan rayonar məlum olub.
FED.az Dövlət Statistika Komitəsinə istinadən zəbər verir ki, ilk rübdə ölkəyə ümumilikdə 3 milyard 77 milyon manat yatırım edilib.
Azərbaycanda ən varlı və ən kasıb rayonlar – MAAŞLAR, MƏBLƏĞ - SİYAHI
Ən böyük investisiya məbləği həmişəki kimi Bakı şəhərinə yatırılıb – 2 milyard 59 milyon manat və ya ümumi investisiyaların 67%-i. Başqa sözlə, birincü rübdə ölkəyə yatırıan hər 3 manatdan 2 manatı Bakıda xərclənib.
Siyahıda gözlənilmədən 2-ci yeri Naxçıvan şəhəri tutub – 154 milyon manat və bütün ölkə üzrə göstəricinin 5%-i. Sərmayələrin həcminə görə, ilk 5-liyi Sumqayıt, Qəbələ və Abşeron rayonları tamamlayır.
Yeni açılmış iş yerlərinin sayı açıqlandı – RAYONLAR - SİYAHI
Ümumilikdə 21 rayon və şəhərə 10 milyon manatdan artıq vəsait yatırılıb. Onların arasında Zərdab və Tərtər rayonlarının olması (müvafiq olaraq 15,8 milyon və 13,2 milyon manat) diqqəti çəkir.
16 rayon və şəhərə 5 milyon manatdan artıq, 19 rayon və şəhərə isə 1-5 milyon manat vəsait yatırılıb.
İnvestisiya yatırılmasın görə, hələlik ən pis göstərici Yardımlı, Lerik və Daşkəsəndədir – bu rayonlara ilk rübdə 100 min manat da pul qoyulmayıb.
