"Tesla" şirkəti öz baş icraçı direktoru (CEO) Elon Musk-a ABŞ korporativ tarixinin ən iri kompensasiya planını – dəyəri 1 trilyon dollara çatan paket təklif edib.
Şirkətin açıqlamasına görə, Musk bu paketə yalnız Tesla-nın qarşıdakı illər üçün müəyyənləşdirdiyi iddialı hədəflərə çatdığı halda sahib ola biləcək. Təklif olunan 10 illik dövrü əhatə edir. Hədəflər sırasında Tesla-nın robotaksi biznesinin genişləndirilməsi və şirkətin bazar dəyərinin ən azı 8,5 trilyon dollara çatdırılması yer alır.
Tesladan bildirilən ayrıntılı şərtlərə görə paket çərçivəsində Maskın əldə edəcəyi əlavə səhmlər onun elektrik avtomobili hissəsindəki payını ən azı 25 faizə qaldıracaq. Xatırladaq ki, Mask daha əvvəl də bu səviyyədə səs istədiyini bəyan etmişdi.
2018-ci ildə Delaver məhkəməsi Mask üçün 50 milyard dollarlıq paketi ləğv etmişdi. Tesla bu qərardan şikayət etsə də, idarə heyəti baş direktorunu kompensasiya etmək üçün başqa yollar axtarır. Buraya avqustun əvvəlində təxminən 30 milyard dollar dəyərində müvəqqəti səhm paketi də daxildir.
Yeni planın məqsədi Musk-ın diqqətini Teslanın inkişafına yönəltmək və onun süni intellekt, roboexnika kimi sahələrdə yaratdığı layihələri şirkət daxilində saxlayaraq böyüməni təmin etməkdir. Musk may ayında verdiyi açıqlamada, ən azı beş il daha Teslanın başında qalmaq niyyətində olduğunu demişdi.
Tesla-nın İdarə Heyəti sədri Robyn Denholm və direktor Kathleen Wilson-Thompsonun səhmdarlara ünvanladığı məktubda qeyd olunub:
“Elonu komandada saxlamaq və onu təşviq etmək, Teslanın bu hədəflərə çataraq tarixin ən dəyərli şirkəti olması üçün əsas şərtdir.”
Hazırda təklif edilən paket 87,8 milyard dollar dəyərindədir, lakin bütün hədəflər reallaşarsa, onun ümumi dəyəri təxminən 1 trilyon dollara yüksələcək. Bu, Teslanın bazar dəyərini hazırda dünyanın ən bahalı şirkəti olan Nvidia-nın dəyərindən iki dəfədən çox edəcək.
Tesla, İdarə Heyətinin sədri Robyn Denholm və Direktor Kathleen Wilson-Thompson tərəfindən imzalanmış səhmdar məktubunda, "Elonu saxlamaq və onu təşviq etmək, Teslanın bu hədəfləri həyata keçirib tarixin ən dəyərli şirkəti olması üçün əsas əhəmiyyətə malikdir" deyə bildirib.
Mask, daha əvvəl idarə heyətini özü üçün yeni bir paket təşkil etməyə çağırmış və Teslada təxminən yüzdə 25 səsvermə nəzarətinə sahib olmazsa, süni intellekt və robototexnika məhsullarını başqa yerlərdə axtaracağını bildirmişdi.
