Rusiya xarici işlər naziri Sergey Lavrov bildirib ki, Qərbin Rusiyaya qarşı sanksiyaları ölkəni yalnız gücləndirir.
FED.az xəbər verir ki, “Deməliyəm ki, sanksiyalar bizi həmişə yalnız gücləndirib”, - bunu nazir RT-yə müsahibəsində deyib.
Bir sıra Qərb ölkələri Ukraynaya görə Rusiya Federasiyasına qarşı yeni sanksiyalar tətbiq edib. Rusiya Federasiyası Prezidentinin mətbuat katibi Dmitri Peskovun bir qədər əvvəl dediyi kimi, Qərbin sanksiyaları çox ciddidir, Rusiya bu sanksiyalara əvvəlcədən hazırlaşırdı. O əlavə etdi ki, Rusiya Federasiyasının maraqlarına cavab verən, cavab tədbirləri hazırlamaq üçün şöbələrin təhlili və əlaqələndirilməsi tələb olunur.
Rusiya prezidenti Vladimir Putin bildirib ki, Rusiyanı ələ almaq və zəiflətmək siyasəti Qərbin uzunmüddətli strategiyasıdır və sanksiyalar bütün qlobal iqtisadiyyata ciddi zərbə vurub. Onun sözlərinə görə, Qərbin əsas məqsədi milyonlarla insanın həyatını pisləşdirməkdir. Putin həmçinin bildirib ki, ABŞ və Avropa İttifaqı faktiki olaraq Rusiya qarşısında öhdəliklərini yerinə yetirməyib, valyuta ehtiyatlarını dondurub. O əlavə edib ki, cari hadisələr Qərbin həm siyasətdə, həm də iqtisadiyyatda qlobal hökmranlığının altından xətt çəkir. (Apa)
