Avto

“Tesla” 14 min avtomobili geri çağırdı - 3 MİN NƏFƏR İXTİSAR 

“Tesla” 14 min avtomobili geri çağırdı - 3 MİN NƏFƏR İXTİSAR  | FED.az
09:33 19 Yan 2019

ABŞ-ın elektrikli mühərrik və avtomobil istehsalçısı “Tesla” şirkəti Çində 14 min avtomobili geri çağırıb.

FED.az  “Euronews”a istinadən xəbər verir ki, buna səbəb “Takata” şirkətinin “Tesla S” mdeli üçün istehsal etdiyi hava yastığında yaranmış problemdir.

Qərar 2014-2016-cı illər aralığında istehsal edilmiş avtomobillərə şamil edilib.

Məlumata görə, həmin yastıqlar qəza zamanı tərkibindəki ammonium-nitrat maddəsinə görə ani şəkildə yanır. Bu isə ölüm və ağır yaralanmalara səbəb olur.

Bu problem səbəbindən “Takata” şirkəti 2017-ci ildə iflas edərək fəaliyyətini dayandırıb.

“Tesla”nın qurucusu İlon Mask şirkət işçilərinə göndərdiyi mesajda avtomobillərin hələ də bir çox alıcı üçün baha olduğu və bu səbəbdən hədəflənən satışın edilmədiyini bildirib. Mask yaxın zamanda 3 min işçinin işdən çıxarılacağını deyib.

Qeyd edək ki, “Tesla”nın 45 mindən çox işçisi var (qafqazinfo.az).

Digər xəbərlər