Aqrar

Əkin sahələrindəki yanğınlarla bağlı Kənd Təsərrüfatı Nazirliyi və Aqrar Sığorta Fondu - FERMERLƏRƏ MÜRACİƏT EDİB

Əkin sahələrindəki yanğınlarla bağlı Kənd Təsərrüfatı Nazirliyi və Aqrar Sığorta Fondu - FERMERLƏRƏ MÜRACİƏT EDİB | FED.az
10:27 18 İyun 2021

Son günlər Siyəzən, Xaçmaz, Quba, Qusar, Şabran, Lənkəran, İmişli, Sabirabad, Bərdə, Tovuz və Neftçala rayonlarında, açıq sahələrdə yanğınlar qeydə alınıb.

Eləcə də bax: Aqrar Sığorta Fondu qeyri-sabit hava şəraiti ilə bağlı sahibkarlara - Müraciət Edib

Aqrar Sığorta Fondundan FED.az-a  verilən məlumata əsasən, Kənd Təsərrüfatı Nazirliyi və Aqrar Sığorta Fondunun fermerlərə birgə müraciətində bildirilir.

Məlumatda həmçinin deyilir ki, yanğınlar biçilmiş və biçilməmiş əkin sahələrinə yayılıb, əkinçiliklə məşğul olan fermerlərə ziyan dəyib.

"Nazirlik və Fond kənd təsərrüfatı istehsalçılarını əkin sahələrini sığortalamağa çağırır. Ölkəmizdə bir neçə ay əvvəldən tətbiq edilən aqrar sığorta istənilən səbəbdən baş verən yanğın nəticəsində əkin sahələrinə dəyən zərəri qarşılayır.

Fermerlər olduqca sərfəli şərtlərlə, cüzi məbləğ ödəməklə əkin sahələrini yanğınla yanaşı, digər əsas risklərdən də sığorta edə bilərlər.

Belə ki, hazırda yanğınların tez-tez baş verdiyi Şimal bölgəsində taxıl sahələrinin hər hektarını orta hesabla 7 manata sığortalamaq olar. Ölkənin digər ərazilərində də əkin sahələrini sərfəli şərtlərlə sığortalamaq mümkündür.

Hadisə baş verdikdə sığorta ödənişi isə lazımi sənədlər təqdim edildikdən sonra cəmi 7 gün ərzində həyata keirilir.

Kənd Təsərrüfatı Nazirliyi və Aqrar Sığorta Fondu fermerləri əkin sahələrini sığortalamağa, böyük zəhmət hesabına becərdikləri məhsullarını və gəlirlərini qorumağa çağırır", - deyə müraciətdə qeyd olunub.

Banner
Banner

Digər xəbərlər