“Azərbaycanda kənd təsərrüfatı potensialından maksimum istifadə etməyə mane olan bəzi problemlər həssas olaraq qalır”.
Eləcə də bax: Aqrar Xidmətlər Agentliyi beynəlxalq uyğunluq sertifikatına - LAYİQ GÖRÜLÜB
FED.az xəbər verir ki, bu barədə Asiya İnkişaf Bankının (ADB) Beynəlxalq Ərzaq Siyasəti üzrə Araşdırmalar İnstitununun “Mərkəzi Asiyada Regional İqtisadi Əməkdaşlıq Proqramına üzv ölkələrin kənd təsərrüfatının inkişafı tendensiyaları: çağırışlar və imkanlar” adlı icmalında bildirilir.
Məlumata görə, ölkənin kənd təsərrüfatı potensialından maksimum istifadə etməyə zəif və inkişaf etməmiş suvarma infrastrukturu mane olur. Bununla yanaşı, fermerlər əkinçilik texnikalarının təkmilləşdirilməsi üçün lazımi təlim və təhsillərə malik deyillər. Bundan əlavə, ölkə iqlim dəyişikliyi təsirlərinə, xüsusilə də bölgədə artan daşqın və quraqlıq problemi ilə çox həssasdır. Kənd təsərrüfatı sahəsində tədqiqatların aparılmasına ayrılan maliyyə vəsaiti çox azdır.
Xatırladaq ki, Statistika Komitəsinin məlumatına görə, 2019-cu ilin 11 ayı ərzində ötən ilin müvafiq dövrü ilə müqayisədə kənd təsərrüfatında 7,1% artım qeydə alınıb. Həmçinin, ötən ilin mühüm göstəricilərindən biri Azərbaycanda 3,2 milyon ton taxıl yığılmasıdır. Bunun 2,3 milyon tonu ərzaq buğdası oldu. Barama istehsalının həcmi isə 634 ton təşkil edib, bu isə son 21 ilin rekordu qeydə alınması idi. Pambıq yığımının həcmi isə 295 min ton təşkil edib.
Report
