Xəbər verildiyi kimi 8-12 noyabr 2023-cü il tarixləri Azərbaycanda qeyri-iş günləridir. Həmin gün işləmyəcək bir çox Azərbaycan vətəndaşı xaricdə, əsasən də Türkiyədə istirahət etməyi düşünür. Koronavirus pandemiyasına görə quru yollar bağlı olduğundan ölkə xaricinə səfər etməyin yeganə yolu hava yoludur.

AZAL-da bilet qiymətlərinin baha olmasına - AYDINLIQ GƏTİRİLDİ

FED.az xəbər verir ki, quru yollar vətəndaşların çıxışına bağlı olduğundan və Bakıdan Türkiyəyə cəmi 3 aviaşirkət uçuşlar həyata keçirdiyindən alternativlər azdır. Belə bir vəziyyət AZAL-ın qiymətlərinin 3 dəfə artmasına səbəb olub.

8 noyabr 2023-cü il tarixi üçün AZAL-da Bakı-İstanbul reysinə Ekonom sinif biletin qiyməti baqajsız 854 manatadək, baqaj ilə 954 manatadək yüksəlib və hər gün yüksəlməkdə davam edir. Halbuki, qeyri-iş günləri AZAL-dan Bakı-İstanbul reysi üzrə bir istiqamətə 253 və ya 314 manata bilet almaq mümkündür. Bir çox vətəndaş vaxt itirmədən 8 noyabrda səfərə çıxmaq istədiyindən həmin gün üzrə bilet qiymətləri "uçur".

Türkiyəyə getmək, sonra da qayırmaq var. Əgər siz tətilin son günü olan 12 noyabrda AZAL ilə qayıtmağa qərar versəniz, İstanbul-Bakı biletinə baqajsız 857 manatadək, baqaj ilə 961 manatdək ödəməlisiniz. 

Qısası, 1 nəfər 8 noyabrda İstanbula gedib, 12 noyabrda Bakıya qayıtmağı planlaşdırsa - baqajsız yer üçün 1711 manat, baqajlı yer üçün 1915 manat ödəməlidir. Qediş və qayıdış biletini eyni anda alsanız qiymətlərə cüzi endirim olur.

4 nəfərlik bir ailə təsəvvür edək - bu ailənin 8-12 noyabrda İstanbula gedib qayıtmasının bilet pulu 7660 manatək çatır. 

Hesab edirik ki, bu qiymət artımını həmin gün üçün təlabatın yüksək olması ilə əlaqələndirmək ədalətsizlik olar. Çünki quru yollar bağlı olduğundan və Bakıdan İstanbula az sayda aviaşirkət uçuşlar həyata keçirdiyindən vətəndaşların seçim imkanları məhduddur. Əgər hökumət quru yolun bağlanmasına qərar verirsə, AZAL-ın da qiymətləri ilə bağlı qərar verməlidir. Əks halda qeyri-iş günündən faydalanaraq istirahət, müalicə, qohumların ziyarəti, iş və s. məqsədlər üçün səyahət vətəndaşa çox baha başa gəlir.

Qeyd edək ki, Bakı-İstanbul marşrutu üzrə Pegasus, Türk Hava Yolları və onun törəmə şirkəti Anadolu Jet də uçuşlar həyata keçirir. Bu aviaşirkətlərdə də qeyd olunan tarixlər üzrə bilet qiymətləri yüksəlib, lakin AZAL-ın qiymətlərindən bir az aşağıdır. (Marja)