“Azərenerji” Açıq Tipli Səhmdar Cəmiyyəti tərəfindən müxtəlif növ kimyəvi maddələrin satınalınması məqsədilə elan olunmuş tender ləğv edilib.
Qarabağda 2 milyonluq tender ləğv edildi - SƏBƏB
FED.az xəbər verir ki, ləğv edilməyə səbəb kimi təqdim olunan təkliflərin şərtlər toplusunun tələblərinə uyğun olmaması göstərilib. Bu, 36.1.2-ci maddəyə əsasən baş tutub.
Tenderin ehtimal olunan qiyməti əvvəlcədən 1.455.829,72 AZN olaraq müəyyən edilmişdi.
Müsabiqə ilk dəfə 05 noyabr 2024-cü il, saat 16:31-də elan olunmuşdu. Maraqlı şirkətlər üçün təkliflərin son təqdim edilmə tarixi isə 10 dekabr 2024-cü il, saat 10:00 olaraq müəyyən olunmuşdu. Elə zərflərin açılışı da həmin gün və saatda nəzərdə tutulmuşdu.
Lakin nəticədə təqdim edilən heç bir təklifin texniki və hüquqi tələblərə cavab vermədiyi bildirilərək, tenderin keçirilməsi məqsədəuyğun hesab edilməyib. Bu hal dövlət satınalmalarında rəqabətliliyin və keyfiyyətli təkliflərin vacibliyini bir daha gündəmə gətirir.
