"Naxçıvan Duz İstehsalı" MMC tərəfindən partlayış üçün sərf olunan xammal, materialların və partlayış xidmətlərinin satın alınması ilə bağlı elan edilən tender ləğv edilib.
Babək Rayon Mərkəzi Xəstəxanasının tenderi niyə ləğv edildi?
Müsabiqənin ləğvinə səbəb olaraq qanunvericiliyin tələbləri göstərilir. Satınalmada iştirak etmək üçün təklif verən və təklifin təminatını təqdim etmiş, eyni zamanda tələb olunan lisenziya və icazələrə malik olan təchizatçıların sayı üçdən az olub. Bununla bağlı olaraq, müsabiqənin tamamlanması mümkün olmayıb.
Müsabiqə ilkin olaraq 12 fevral 2025-ci il, saat 15:39-da elan olunmuşdu. Təkliflərin son təqdim edilmə tarixi və zərflərin açılışı 6 mart 2025-ci il, saat 09:00 olaraq müəyyən edilmişdi. Satınalmanın ehtimal olunan dəyəri isə 83.460,92 AZN təşkil edirdi.
Lakin təchizatçıların sayının yetərli olmaması səbəbilə müsabiqə baş tutmayıb və ləğv edilməsi barədə rəsmi qərar verilib.
