2019-2020-ci illərdə İmişlidə tenderləri qazanan şirkətlər məlum olub.

FED.az xəbər verir ki, ötən il və bu ildə İmişlidə 8 tender müsabiqəsi keçirilib. Tenderlərin umumi məbləği 908 min 952 manat olub.

Eləcə də bax: Neftçalada dövlət tenderlərini - KİMLƏR UDURMUŞ? – SİYAHI, MƏBLƏĞLƏR

Rayonda ən çox tender keçirən qurum İmişli Suvarma Sistemləri İdarəsi olub. İdarə həmçinin rayonda keçirilən tenderlərin məbləğinə görə birincidir. Suvarma Sistemləri İdarəsi 4 tender keçirib. 4 tenderin ümumi məbləği 834 min 295 manatdır. Bu məbləğ rayon üzrə tenderlərə xərclənən vəsaitin 91,8%-ni təçkil edir.

Eləcə də bax: İsmayıllı rayonunda dövlət tenderlərini - KİMLƏR UDUR? – SİYAHI, MƏBLƏĞLƏR

2019-2020-ci illərdə ən böyük məbləğli tenderləri "RUZİ" MMC və sahibkar Rahib Əkbərov qazanıb. Əkbərov Rahib ümumi məbləği 579 min 628 manat olan 2, “RUZİ” MMC 245 min 667 manatlıq 1 tenderin qalibi olub.

Qeyd edək ki, 2018-ci ildə rayonda ümumi məbləği 4 milyon 248 min 791 manat olan 8 tender keçirilib. İcra Hakimiyyəti ümumi məbləği 3 milyon 975 min 792 manat olan 4 , İmişli Suvarma Sistemləri İdarəsi ümumi məbləği 232 min 115 manat olan 2, İmişli Rayon Polis Şöbəsi 32 min manat məbləğində 1, İmişli Dəmir Yolu Xəstəxanası 8 min 884 manat məbləğində 1 tender keçirmişdi.

FED.az 2019-2020-ci ildə İmişli rayonunda keçirilmiş tender müsabiqələrini təqdim edir.