Xəbər verildiyi kimi, Dövlət Təhlükəsizlik Xidmətinin keçirdiyi əməliyyat nəticəsində Neftçala rayon icra başçısı İsmayıl Vəliyev və icra hakimiyyətinin bir neçə əməkdaşı yol verilən qanunsuzluqlara görə həbs edilib.

FED.az-ın məlumatına görə, həbs edilənlər, xüsusisən də icra başçısının özü digər məsələlərlə yanaşı, təmir-tikinti və abadlıq işlərinə ayrılan dövlət vəsaitini mənimsəməkdə ittiham edilir.

Qeyd edək ki, qanunvericiliyə əsasən, bu vəsaitlər dövlət satınalmaları – tenderlər vasitəsilə həyata keçirilir. Yəni tender elan edilir, ən sərfəli qiymət təklif edən şirkət qalib olur, vəsaitlər həmin şirkətə ödənilir və işlərə başlanılır. 

İcra başçısına qarşı qaldırılan ittihamlar Neftçalada dövlət tenderlərinin, xüsusilə abadlıq və təmir-tikinti tenderlərinin də qanuni keçirilməsi ilə bağlı şübhələr yaradır.

2019-cu ilin yanvar-dekabr aylarında Neftçala rayonunda 1 milyon 235,2 min manat məbləğində 15 tender keçirilib.

FED.az xəbər verir ki, Neftçala rayonunda 15 tenderin  8-ni icra hakimiyyəti keçirib. İcra hakimiyyətinin keçirdiyi tenderlərin ümumi məbləği 471,2 min manatdır.

Eləcə də bax: Salyan rayonunda dövlət tenderlərini - KİMLƏR UDUR? – SİYAHI, MƏBLƏĞLƏR

Neftçala Suvarma Sistemləri İdarəsi keçirdiyi tenderlərin ümumi məbləğinə görə birincidir. Dövlət qurumunun 5 tenderinin ümumi məbləği 737,8 min manatdır.

Eləcə də bax: Ağstafa rayonunda tenderləri kimlər udur? - MƏBLƏĞLƏR - SİYAHI

Rayon üzrə ən çox tender qazanan şirkət “İlkin-N” MMC-dir. Şirkət Neftçala rayon Suvarma Sistemləri İdarəsinin 3 tenderini qazanıb. Şirkətin 3 tenderdən qazandığı məbləğ 490.8 min manatdır. Neftçala rayon İcra Hakimiyyətinin ən böyük məbləğli tenderini “Göy-göl tikinti” MMC qazanıb. Şirkət 1 tenderdən 290 min manat qazanıb.

Eləcə də bax: Lənkəranda dövlət tenderlərini - KİMLƏR UDUR? – SİYAHI, MƏBLƏĞLƏR

Bundan başqa rayonda Neftçala rayon Mərkəzi Xəstəxanası müvafiq satınalmalar həyata keçirib. Xəstəxananın tenderlərinin qalibi fiziki şəxslər olub.