“Əsaslı Tikinti və Təchizat” MMC beş tender üzrə təmir və layihələndirmə işlərini sifariş edib.
ATU-nun 640 min manat dəyərində 2 tenderi fərqli səbəblərdən - LƏĞVƏ GETDİ
FED.az xəbər verir ki, “Əsaslı Tikinti və Təchizat” MMC mədəni və inzibati binalarda həyata keçiriləcək təmir və layihələndirmə işləri ilə bağlı beş tender müsabiqəsinə yekun vurub. Qalib şirkətlərlə imzalanmış müqavilələrin ümumi dəyəri 840.641,33 AZN təşkil edir.
Tenderlər haqqında daha detallı:
Azərbaycan Milli İncəsənət Muzeyində aparılacaq cari təmir işlərinin satınalması üzrə keçirilmiş tenderin qalibi “El-Rado” MMC (VÖEN: 3103056491) olub. Şirkətlə imzalanmış müqavilənin dəyəri 667.495,21 AZN-dir. Bu layihə muzeyin struktur və funksional vəziyyətinin yaxşılaşdırılmasını nəzərdə tutur.
Tovuz, Qazax və Gədəbəy rayonlarındakı Heydər Əliyev Mərkəzi binalarında cari təmir işləri ilə bağlı layihə-smeta sənədlərinin hazırlanması xidmətinin satın alınması məqsədilə keçirilmiş tenderi “Creat Company” MMC (VÖEN: 1904172531) qazanıb. Bu xidmət üçün şirkətə 107.970 AZN ödəniləcək.
Digər iki tender üzrə müqavilə isə “House Project” MMC (VÖEN: 1405514651) ilə bağlanıb. Şirkət həm Xızı rayon Heydər Əliyev Mərkəzinin, həm də Tərtər rayon Heydər Əliyev Mərkəzinin binasında aparılacaq təmir işlərinə dair layihə-smeta sənədlərinin hazırlanmasını həyata keçirəcək. Xızı rayon layihəsinin dəyəri 21.004 AZN, Tərtər rayonu üzrə isə 21.752,12 AZN müəyyən olunub.
Beşinci satınalma üzrə isə qalib “Eracon” MMC (VÖEN: 1504558361) olub. Şirkət Bakı şəhəri Yasamal rayon Heydər Əliyev Mərkəzi və Xırdalan şəhər Heydər Əliyev Mərkəzi binalarının cari təmir işləri üçün layihə-smeta sənədlərinin hazırlanmasını həyata keçirəcək. Bu xidmətin ümumi dəyəri 22.420 AZN təşkil edir.
Qeyd olunan tenderlər nəticəsində həyata keçiriləcək layihələr ölkənin mədəni irs obyektlərinin və ictimai mərkəzlərinin müasir tələblərə uyğunlaşdırılması baxımından əhəmiyyətli rol oynayacaq.
