Azərbaycan Respublikasının Daxili İşlər Nazirliyinin Daxili Qoşunlar Baş İdarəsi tərəfindən elan edilən iki tender ləğv edilib.
Bölgələrdəki DOST filiallarının təmir layihələrini vergi borcu olan - ŞİRKƏT HAZIRLAYACAQ
FED.az xəbər verir ki, bunlardan biri avtomobil ehtiyat hissələri və qaraj avadanlıqlarının satın alınması ilə bağlı olub. 151.790,48 AZN məbləğində ehtimal olunan qiymətlə keçirilən müsabiqə 31 avqust 2024-cü ildə elan edilib. Təkliflərin qəbulu və zərflərin açılması 24 sentyabr 2024-cü il tarixində baş tutmalı idi. Lakin bu tender nəzarət orqanının qərarı ilə ləğv edilib.
İkinci ləğv olunan tender isə tibbi reaktivlər, ləvazimatlar, zərdab və dezinfeksiyaedici maddələrin satın alınması ilə bağlı olub. Bu müsabiqə 27 fevral 2025-ci ildə elan edilib və ehtimal olunan qiymət 149.290,65 AZN təşkil edib. Təkliflərin təqdim olunması və zərflərin açılması 2 aprel 2025-ci il tarixində nəzərdə tutulsa da, tenderdə iştirak edən və tələb olunan lisenziyaya malik təchizatçıların sayı üçdən az olduğuna görə (36.1.1 maddəsi üzrə) satınalma ləğv edilib.
Beləliklə, eyni qurum tərəfindən elan edilən iki tenderin müxtəlif səbəblərlə ləğv edilməsi diqqət çəkən məqamdır.