Dayanıqlı və Operativ Sosial Təminat Agentliyi “5 DOST filialında (Qobustan, Mingəçevir, İsmayıllı, Göyçay və Yevlax) əsaslı təmir işlərinin aparılması üçün layihə-smeta sənədlərinin hazırlanması xidmətinin satın alınması” tenderinin nəticələrini elan edib.
Tibbi qurumu 23 milyon manatlıq laboratoriya testləri ilə təmin edəcək - ŞİRKƏT AXTARILIR
FED.az xəbər verir ki, tenderin qalibi “Entre” MMC (VÖEN: 1806256761) olub.
Qalib şirkətə 108 560 manat ödəniləcək.
Şirkətin vergi borcu 3829.69 manat təşkil edir.
Xatırladaq ki, qalib şirkət 2024-cü il ərzində Agentliyin “Gədəbəy, Ağstafa, Şəmkir, Göygöl, Qax, Zaqatala və Qəbələ DOST filiallarında əsaslı təmir işlərinin aparılması üçün layihə-smeta sənədlərinin hazırlanması xidmətinin satın alınması” tenderindən 166 249 manat, “Dayanıqlı və Operativ Sosial Təminat Agentliyi tərəfindən 5 DOST filialında (Qusar, Xaçmaz, Salyan, Biləsuvar və Hacıqabul DOST filialları) əsaslı təmir işlərinin aparılması üçün layihə-smeta sənədlərinin hazırlanması xidmətinin satın alınması” tenderindən isə 118 749 manat qazanıb
Qeyd edək ki, “Entre” MMC 2023-cü ildə yaradılıb, nizamnamə kapitalı 10 AZN təşkil edir. Şirkətin qanuni təmsilçisi Rüfət Qarayev Süleyman oğludur. Hüquqi ünvanı AZ1092, Bakı şəhəri Sabunçu rayonu, Bakıxanov ştq, Eldar Xəlilov (Bakıxanov), Ev Kv4085 ev1, m. 18 ünvanında yerləşir.
