“Azərişıq” ASC 2 tenderə yekun vurub.
Ağdamda yaşayış məhəllələrinin enerji ilə təmin olunması 8 milyona - BAŞA GƏLƏCƏK
FED.az xəbər verir ki, hər 2 tenderi “Harmony İndustrial Construction and Engineering Group” MMC udub.
Şirkət “"Azərişıq" ASC-nin paylayıcı elektrik şəbəkələrində itkilərin azaldılması, gərginlik düşkülərinin aradan qaldırılması məqsədilə Abşeron, Sabunçu və Nizami rayonları ərazisində yerləşən elektrik veriliş xətlərində və qurğularında yenidənqurma işlərinin aparılması, yeni güc mərkəzlərinin yaradılması işlərinin satın alınması” tenderi üzrə 5 867 271 manat dəyərində müqavilə imzalayıb.
İkinci tender “Ağdam rayonu Eyvazxanbəyli kəndinin xarici elektrik təchizatının təmin olunması məqsədilə 35 kV-luq iki dövrəli ÖİN(SİP-3) elektrik veriliş xəttinin çəkilməsi işləri” şirkətə 1 548 835 manat qazandırıb.
Ümumilikdə “Azərişıq” ASC tenderlərin qalibinə 7 416 106 manat ödəyəcək.
Qeyd edək ki, “Harmony İndustrial Construction and Engineering Group” MMC 2005-ci ildə yaradılıb, nizamnamə kapitalı 165 010 AZN təşkil edir. Şirkətin qanuni təmsilçisi Əlövsət Orucov Bilal oğludur. Hüquqi ünvanı AZ1069, Bakı şəhəri Nərimanov rayonu, Ceyhun Hacıbəyli, ev 52, m. 20 ünvanında yerləşir.
