Lənkəran Şəhər İcra Hakimiyyəti tərəfindən elan olunan tender proseduru ləğv edilib.
Bu şikrət tenderdə 988 min ucuz qiymətlə qalib gəldi - DETALLAR
FED.az xəbər verir ki, sözügedən tender yolların əsaslı təmiri işlərinin həyata keçirilməsi üçün elan edilmişdi. Dövlət Satınalmalarının elektron portalı tərəfindən verilən rəsmi açıqlamaya əsasən, tenderin ləğv edilmə səbəbi satınalmada iştirak etmək üçün təklifi və təklifin təminatını təqdim etmiş, tələb olunduğu halda müvafiq lisenziyaya və ya icazəyə malik olan təchizatçıların sayının üçdən az olmasıdır. Bu hal Azərbaycan Respublikasının qanunvericiliyinin 36.1.1-ci maddəsinə uyğun olaraq tenderin davam etdirilməsini mümkünsüz edib.
Tender çərçivəsində nəzərdə tutulan ehtimal olunan satınalma dəyəri 941.802,84 AZN təşkil edirdi. Müsabiqənin elan olunma tarixi 6 may 2025-ci il saat 15:33 olub. Təkliflərin qəbulunun son tarixi və vaxtı isə 30 may 2025-ci il saat 13:00 idi. Eyni tarixdə və eyni saatda təklif zərflərinin açılması da nəzərdə tutulurdu.
Hazırda tenderin növbəti mərhələdə yenidən elan olunub-olunmayacağı ilə bağlı əlavə məlumat verilməyib. Bu cür hallar zamanı sifarişçi qurum eyni satınalma üzrə yeni prosedur başlada bilər.
