Təhsil və elm

Nazir təhsil haqqı qərarının necə icra ediləcəyini - AÇIQLADI

Nazir təhsil haqqı qərarının necə icra ediləcəyini - AÇIQLADI | FED.az
10:37 15 Aprel 2020

Təhsil naziri Ceyhun Bayramov həssas ailələrdən olan tələbələrin dövlət tərəfindən təhsil haqlarının ödənilməsinin icra mexanizmindən danışıb.

Eləcə də bax: 20 mindən artıq tələbənin təhsil haqqını dövlət ödəyəcək - NAZİRLİK

FED.az xəbər verir ki,  C.Bayramov bununla bağlı dövlət televiziyasının efirində qeyd edib ki, bütün ali və orta ixtisas təhsil müəssisələrində bu istiqamətlə bağlı məsul şəxslər müəyyən ediləcək: “Bununla bağlı məktublar imzalanaraq təhsil müəssisələrinə göndərilib. Təhsil müəssisələri qısa müddət ərzində tələbələrdən müraciətləri toplayacaq. Tələbələr müraciət edərək özləri barədə nəzərdə tutulmuş məlumatları ( şəxsiyyət vəsiqəsi, ailə üzvləri barədə məlumat) təqdim edəcəklər. Ali təhsil müəssisələri elektron formada mərkəzləşmiş məlumat sisteminin bu məqsədlər üçün yaradılmış alt sisteminə elektron formada bu məlumatları təqdim edəcək.

Bu işin koordinasiyası mülkiyyət forması və tabeliyindən asılı olmayaraq bütün ali təhsil müəssisələri üzrə Təhsil Nazirliyinə həvalə edilib. Təhsil Nazirliyi də aidiyyatı dövlət orqanlarına elektron platformalar üzərindən uyğunlaşmaları apararaq, məlumatları təsdiq edərək aidiyyatı olaraq sifarişləri Maliyyə Nazirliyinə təqdim edəcək. Maliyyə Nazirliyi sifarişlərin ödənilməsini təmin edəcək. Ödənişlər birbaşa olaraq həmin tələbələrin əvəzinə ali təhsil müəssisələrinə ediləcək”.

Qafqazinfo

Digər xəbərlər

Banner