Təhsil və elm

“İnsan orqan və (və ya) toxumalarının transplantasiyası haqqında” qanunda dəyişiklik TƏSDİQLƏNDİ

“İnsan orqan və (və ya) toxumalarının transplantasiyası haqqında” qanunda dəyişiklik TƏSDİQLƏNDİ | FED.az
18:39 25 Yan 2017

Azərbaycan prezidenti İlham Əliyev “İnsan orqan və (və ya) toxumalarının transplantasiyası haqqında” qanunda dəyişikliyi təsdiqləyib.

Qanuna edilmiş əlavə və dəyişikliklərə əsasən, qanunun 16-cı maddəsinin mətni aşağıdakı redaksiyada verilib: “Transplantasiya barədə reklam yalnız tibb sahəsində ixtisaslaşdırılmış mətbu nəşrlərdə, tibb işçiləri və əczaçılar üçün keçirilən tədbirlərdə yayımlana bilər”.


Qanun:


“İnsan orqan və (və ya) toxumalarının transplantasiyası haqqında” Azərbaycan Respublikasının Qanununda dəyişiklik edilməsi barədə Azərbaycan Respublikasının Qanunu

Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 1-ci bəndini rəhbər tutaraq, “İnsan orqan və (və ya) toxumalarının transplantasiyası haqqında” Azərbaycan Respublikasının Qanununu “Reklam haqqında” Azərbaycan Respublikasının 2015-ci il 15 may tarixli 1281-IVQ nömrəli Qanununa uyğunlaşdırmaq məqsədi ilə qərara alır:

“İnsan orqan və (və ya) toxumalarının transplantasiyası haqqında” Azərbaycan Respublikası Qanununun (Azərbaycan Respublikasının Qanunvericilik Toplusu, 2000, № 1, maddə 5; 2001, № 12, maddə 731; 2008, № 7, maddə 602) 16-cı maddəsinin mətni aşağıdakı redaksiyada verilsin:

“Transplantasiya barədə reklam yalnız tibb sahəsində ixtisaslaşdırılmış mətbu nəşrlərdə, tibb işçiləri və əczaçılar üçün keçirilən tədbirlərdə yayımlana bilər.”.

İlham Əliyev

Azərbaycan Respublikasının Prezidenti

Bakı şəhəri, 29 noyabr 2016-cı il.

Digər xəbərlər