ATHEC Azərbaycan Turizm və Qonaqpərvərlik Tədris Mərkəzi işsiz şəxslərin peşə hazırlığının təşkilində aşağıdakı ixtisaslar üzrə ödənişsiz təlim proqramlarının keçirilməsini elan edib.
FED.az biznes və maliyyə xəbərləri portalı xəbər verir ki, sözügedən mərkəz barista, ofisiant, hotel xidmətləri üzrə təlim proqramları təklif edir.
Belə ki, təlim proqramı dual tədris metodikasını əsas götürərək nəzəri biliklərlə yanaşı usta nəzarətində istehsalat təcrübəsinin keçirilməsi komponentlərindən ibarətdir. Peşə hazırlığı müddətində müdavimlər peşə hazırlığı keçmək üçün zəruri tədris və təcrübə ləvazimatları ilə təmin edilirlər, sertifikatla fərqləndirilirlər, işsiz vətəndaşlar tədris müddəti ərzində sosial müavinət alırlar.
Qeyd edək ki, peşə hazırlığının ümumi tədris müddəti 1.5 aydır və müddət başa çatandan sonra müdavimlərin peşə uyğunluğları qiymətləndirilərək onlar müsabiqə yolu ilə seçilirlər.
Qeydiyyat və əlavə məlumatlar əldə etmək üçün saat 10.00-17.30, Bazar Ertəsi – Şənbə günləri: 0124347877 / 0506610075 (telefon və whatsapp), e-poçt [email protected]
