Təhsil və elm

BDU-da siyasi partiyaların yaradılması qadağan edilib

BDU-da siyasi partiyaların yaradılması qadağan edilib | FED.az
15:43 10 May 2019

Bakı Dövlət Universitetinin (BDU) nizamnamə kapitalı 50 mln.manat məbləğində müəyyən edilib.

FED.az xəbər verir ki, BDU-nun Nizamnaməsi Nazirlər Kabineti tərəfindən təsdiq edilib.

Nizamnaməyə əsasən, universitetin büdcədənkənar mənbələrdən əldə etdiyi vəsait yalnız təhsilin inkişafına, müəssisənin maddi-texniki bazasının inkişafına yönəldilməlidir. Universitetin büdcədənkənar mənbələrdən əldə etdiyi vəsaitin ən azı 40%-i təhsilverənlərin və tələbələrin sosial müdafiəsinə sərf olunmalıdır.

Eləcə də bax: “GRBS” şirkətinin dərsləri yarımçıq keçdiyi, müəllimlərə ödəniş etmədiyi bildirilir

Universitetin strateji inkişaf məsələləri üzrə idarəetmə orqanı ictimai əsaslarla fəaliyyət göstərən Himayəçilər Şurasıdır. Himayəçilər Şurasının tərkibini azı 3 nəfər olmaqla, Azərbaycan Respublikasının Təhsil Nazirliyi təsdiq edir.

BDU-da siyasi partiya və dini təşkilatların yaradılması qadağan edilir.

Universitetin fəaliyyəti dövlət və kommersiya sirrinin, eləcə də gizli rejimin qorunması ilə bağlı tədbirlərdən ibarətdir.

Digər xəbərlər