SOCAR-ın Bakı Ali Neft Məktəbinin (BANM) 6 tələbəsi mübadilə proqramı çərçivəsində Çexiyanın Ostrava Texniki Universitetində (VSB-TU Ostrava) təhsil alır.
FED.az xəbər verir ki, Neft-Qaz mühəndisliyi ixtisasının IV kurs tələbələri Oktay Əmrahov, Elşən Salahov, Rəvan Yusifov, Ayxan Seyidli, Mahmud Dadaşov və Ruslan Əlizadə Çexiyada bir semestr oxuyacaqlar.
Proqram çərçivəsində akademik biliklərini genişləndirməklə yanaşı, “Azərbaycanı tanıyaq” layihəsini təqdim ediblər. Tələbə yoldaşlarını Azərbaycanın tarixi və mədəniyyəti barədə məlumatlandırıblar. Eləcə də Azərbaycanın COP29 çərçivəsində əldə etdiyi uğurlar və iqlim dəyişikliklərinə qarşı görülən tədbirlər haqqında ətraflı təqdimat hazırlayıblar.
