Banner

Təhsil və elm

BANM-in məzunundan rekord göstərici - 14 Ali Məktəbə Qəbul Oldu

BANM-in məzunundan rekord göstərici - 14 Ali Məktəbə Qəbul Oldu | FED.az
12:03 13 İyul 2021

Bakı Ali Neft Məktəbinin (BANM) məzunu Azərbaycan üzrə rekord göstəriciyə imza atıb.

Eləcə də bax: Tələbələrə 20 illik təhsil kreditləri veriləcək - Azərbaycanda ilk dəfə - YENİ QANUN

FED.az “Qafqazinfo”ya istinadən xəbər verir ki, kimya mühəndisliyi ixtisasını bitirən Zahir Ağayev dünyada tanınan 14 universitetə qəbul olub. O, müraciət etdiyi ABŞ-ın 15 ali məktəbindən 13-nə qəbul edilib. Həmin universitetlərdən 7-si Zahir Ağayevə tam təqaüd təklif edib.

Təqaüd təklif edən universitetlərdən 4-ü doktorantura üzrədir. 

Zahir Ağayev daha bir neçə ali məktəbin ilkin qəbul imtahanlarından keçsə də, artıq bu cür yüksək nəticələr əldə etdiyi üçün həmin müraciətlər üzrə yekun mərhələlərdə iştirakdan imtina edib.

Zahir Ağayevin seçimi ABŞ-ın Konnektikut Universiteti (University of Connecticut) olub.

Qeyd edək ki, Zahir Ağayev 2016-cı ildə DİM-in qəbul imtahanından 650 bal toplayaraq BANM-in Kimya mühəndisliyi ixtisasına dövlət sifarişi üzrə qəbul olub. Ali məktəbi 91.09 Ümumi Orta Müvəffəqiyyət Göstəricisi ilə bitirib.

Banner

Digər xəbərlər