Banner

Təhsil və elm

Azərbaycanlı tələbələr ölkədən çıxmadan xarici universitetin diplomunu - ALA BİLƏCƏK - VİDEO

Azərbaycanlı tələbələr ölkədən çıxmadan xarici universitetin diplomunu - ALA BİLƏCƏK - VİDEO | FED.az
20:37 21 Noy 2019

Azərbaycanlı tələbələr ölkəni tərk etmədən dünyanın nüfuzlu univeristetlərinin diplomlarını ala biləcək. Bu yenilik xarici professorların Azərbaycana gəlməsi ilə mümkün olacaq. Bunun üçün Nazirlər Kabineti beynəlxalq ikili diplom proqramlarının həyata keçirilməsinin maliyyələşdirilməsi qaydalarını təsdiq edib.

FED.az xəbər verir ki, universitetlər bu sahədə Dövlət Neft Fondu, beynəlxalq təşkilatlar, xarici və yerli investorların vəsaitlərindən müəyyən edilən qaydalar çərçivəsində istifadə edə bilərlər. Prosesə nəzarət isə Təhsil Nazirliyinin nəzdində yaradılacaq Dövlət Proqramının İdarəetmə Qrupu tərəfindən həyata keçiriləcək. Artıq bəzi universitetlərlə ilkin danışıqalara da başlanılıb.

Eləcə də bax: Bu il təhsil üçün xarici ölkələrə göndərilən azərbaycanlı gənclərin sayı - AÇIQLANIB

Təhsil Nazirliyinin beynəlxalq əməkdaşlıq şöbəsinin müdiri Nicat Məmmədli deyib ki, artıq Azərbaycan Dövlət Pedaqoji Univeristetlə Amerikanın nüfuzlu Corc Vaşinqton Universiteti arasında ikili diplom proqramı üçün danışıqlar gedir və yaxın gələcəkdə müqavilənin imzlanması gözlənilir.

Qeyd edək ki, tələbələr ikili diplom proqramına hər iki univesitetin müəyyən edəcəyi kriteriyalar əsasında seçiləcək.

© xezerxeber.az

Digər xəbərlər

Banner