Müasir dövrdə dünya elmində hər hansı bir tədqiqatın dəyəri və əhəmiyyəti onun istinad və Hirş indeksinin səviyyəsi əsasında müəyyən edilir. Bu səbəbdən beynəlxalq aləmdə elmi əsərlərə olunan istinadlara və yüksək indeksli jurnallarda çap olunmuş məqalələrə günü-gündən daha çox diqqət göstərilir, alimlərin müxtəlif parametrlər üzrə elmi reytinqinin tərtib edilməsinə, onların fəaliyyətinin obyektiv qiymətləndirilməsinə önəm verilir.
FED.az xəbər verir ki, Azərbaycan Milli Elmlər Akademiyasının yaydığı məlumatda bildirilir ki, Azərbaycanda da son dövrlərdə müvafiq sahədə qəbul edilmiş fərman və sərəncamlardan irəli gələn vəzifələrin icrası istiqamətində ölkə elmində kompleks islahatların aparılmasına başlanılıb.
Azərbaycan Milli Elmlər Akademiyası müvafiq sahədə dünya təcrübəsini, ölkəmizdə elm sahəsində aparılan islahatları, eyni zamanda milli maraqları nəzərə alaraq bu istiqamətdə məqsədyönlü işlər aparır. AMEA rəhbərliyinin təşəbbüsü və göstərişi ilə Elm Günü ərəfəsində Fizika, Riyaziyyat və Texnika Elmləri Bölməsi (FRTEB) üzrə AMEA-nın üzvlərinin bəzi elmmetrik göstəricilərini əks etdirən reytinq cədvəllərinin hazırlanması da bu qəbildəndir.
Qeyd edək ki, cədvəllərdə FRTEB üzrə AMEA-nın üzvlərinin “Google Scholar”da Hirş indeksləri və həmin alimlərin əsərlərinə “Google Scholar”da istinadların sayı təqdim olunub. Reytinq siyahısında Akademiyanın 36 üzvünün adı yer alıb.
Tam siyahı ilə aşağıdakı cədvəldən tanış olmaq mümkündür:
Fizika, Riyaziyyat və Texnika Elmləri Bölməsi üzrə AMEA-nın üzvlərinin “Google Scholar”da Hirş indeksləri
Fizika, Riyaziyyat və Texnika Elmləri Bölməsi üzrə AMEA-nın üzvlərinin əsərlərinə "Google Scholar"da istinadların sayı
