«CEOWORLD magazine» nəşri  dünyanın ən yaxşı biznes məktəblərinin reytinqini tərtib edib.

FED.az xəbər verir ki, 2023-cü ilə aid reytinqdə ilk yeri «Wharton Business School» 2023-cü il üçün dünyanın ən nfuzlu biznes məktəbi adını alıb.

Siyahıda London Business School ikinci yeri, MIT Sloan İdarəetmə Məktəbi isə üçüncü olub. 2023-cü il reytinqində Harvard Business School dördüncü, Oxford Business School beşinci, Kolumbiya Business School (CBS) altıncı, Stanford Business School (GSB) isə yeddinci yerdə qərarlaşıb.

Qeyd edək ki, sözügedən reytinq 15 sentyabr 22 dekabr 2022-ci il tarixləri arasında 156 ölkədə 350,00 biznes menecerləri, məzunlar, qlobal biznes təsir dairələri, sənaye mütəxəssisləri, biznes məktəbi alimləri, işəgötürənlər və işəgötürənlər arasında sorğu əsasında tərtib edilib.

Eləcə də ictimaiyyətə açıq mənbələrdən, araşdırmalardan və sorğudan məlumat və statistika toplanılıb. Reytinqlər keyfiyyət və nüfuzun yeddi əsas meyarına əsaslanır. Ümumi xal (100%) aşağıdakıların cəmidir:

1) Akademik reputasiya

2) Qəbul Uyğunluğu

3) İşə qəbul olunma dərəcəsi

4) Recruiter rəyi

5) İxtisas

6) Qlobal reputasiya və təsir

7) İllik təhsil haqqı və ödənişlər

«Bununla belə, bu, heç də əhatəli siyahı deyil, eyni zamanda, yuxarıdakı qurumlar CEOWORLD jurnalının “2023-cü il üçün dünyanın ən yaxşı biznes məktəbləri”dir və əla proqramlar təklif edən bir çox başqa biznes məktəbləri də ola bilər. Bu sıralama biznes məktəbi seçərkən ən vacib aspekt kimi qəbul edilməməlidir və sadəcə nəzərə alınmalı elementlərdən biridir»-deyə nəşr bildirir.