Bu ilin yanvar-fevral aylarında Azərbaycana 88 min 57 ton meyvə-tərəvəz idxal edilib.
FED.az xəbər verir ki, Dövlət Gömrük Komitəsinin məlumatına görə, bu həcmdə meyvə-tərəvəzin dəyəri 65 milyon 977 min ABŞ dolları təşkil edib.
Bunlar, ötən ilin eyni dövrü ilə müqayisədə həcm baxımından 3 min 462 ton (3,7 %) azdır, dəyər baxımından isə 2 milyon 833 min ABŞ dolları (4,4 %) çoxdur.
Hesabat dövründə meyvə-tərəvəz idxalına çəkilən xərc Azərbaycanın ümumi idxal xərclərinin 1,6 %-ni təşkil edib.
2 ay ərzində Azərbaycan həmçinin 100 min 399 ton meyvə-tərəvəz ixrac edilib. Bu həcmdə meyvə-tərəvəzin dəyəri 108 milyon 999 min ABŞ dolları təşkil edib.
Bunlar, 1 il əvvələ nisbətən həcm baxımından 13 min 328 ton (15,3 %), dəyər baxımından isə 9 milyon 525 min ABŞ dolları (9,5 %) çoxdur.
Hesabat dövründə meyvə-tərəvəz ixracından əldə olunan gəlir Azərbaycanın ümumi ixrac gəlirlərinin 2,3 %-ni təşkil edib. (Report)
