“Azərbaycanda oktyabrın 12-dən mövsümi qripə qarşı tətbiq edilən peyvənd kampaniyası artıq yekunlaşmaq üzrədir".
FED.az xəbər verir ki, bunu Səhiyyə Nazirliyinin İctimai Səhiyyə və Sanitariya-Epidemioloji Nəzarət Şöbəsinin müdiri Nəzifə Mürsəlova Ümumdünya Antimikrob Preparatlardan Düzgün İstifadəyə dair Maarifləndirmə Həftəsinə həsr olunan virtual mətbuat konfransında deyib.
Eləcə də bax: TƏBİB peyvəndlərin tətbiq ediləcəyi tarixi - Açıqladı
Onun sözlərinə görə, ölkəyə gətirilən qrip peyvəndlərinin çox hissəsi əhalinin vaksinasiyasına istifadə edilib.
“Bakıya və regionlara paylanılan peyvəndlərin 80 faizi artıq istifadə edilib. Qrip peyvəndi nəzərdə tutulduğu kimi tibb işçiləri, hamilə qadınlar, xroniki tənəffüs problemi olan 6 aydan böyük uşaqlar və böyüklərə vurulub. Həmin şəxslərdən əlavə insanlar da mövsümi qrip peyvəndi almaq üçün yerli poliklinik müəssisələrə müraciət edirlər. Peyvəndləşmə uğurla davam etdirilir”. (Report)
