Rusiyanın xarici işlər naziri Sergey Lavrov Moldova hökumətinə xəbərdarlıq edərək onu Moldova ərazisində, Dnestryanı bölgədəki Rusiya sülhməramlılarına qarşı hər hansı hərəkətdən çəkinməyə çağırıb.
FED.az xəbər verir ki, Moskva Dövlət Beynəlxalq Münasibətlər İnstitutundakı tədbirdə çıxışı zamanı Rusiyalı nazir bildirib ki, Dnestryanı ərazidə «rusiyalı sülhməramlılara hücum Rusiyaya hücum kimi qiymətləndiriləcək».
Rusiyalı nazir fikirlərini bununla əsaslandırıb ki, Rusiyalı hərbçilər burada Avropada ən böyük silah anbarını qoruyurlar.
Moldova Xarici işoər nazirliyi isə Lavrovun cavabında Rusiya səfərini nazirliyə dəvət edərək ona etirazını bildirib. Kişinyovda bildirirlər ki, Rusiya sülh məramlıları Moldova ərazisində qanunsuz yerləşib və ölkəni tərk etməlidirlər.
Xatırladaq ki, Moldova ərazisində də Rusiya tərəfindən himayə olunan və özlərini «Dnestryanı Respublika» adlandıran qondarma qurum var. Rusiya tərəfi burada «sülh qorumaq» adı ilə 1992-ci ildən sülhməramlı qorunlar saxlayır. Moldova tərəfi isə bu halı qanunsuz sayır. Moldovada bir qədər əvvəl keçirilən prezident seçkilərində qalib gələn prezident Maya Sandu Rusiya qoşunlarının çıxarılmasını tələb edir.
Hazırda Rusiya Moldova ilə «Dnestryanı Respublika» arasında birbaşa dialoq təşkil etmək istəyir. Separatçılar buna razı olsalar da, Kişinyov hökuməti separatçıları tanımağa bərabər olan bu variantı qətiyyətlə rədd edir. Lavrov isə bildirib ki, Moldova rəhbərliyi ABŞ və Avropa İttifaqının diqtəsi ilə atır: «Maya Sandu və onun komandası ABŞ və Avrota İttifaqının diqtəsi ilə hərəkət edərək birbaşa dialoq istəmirlər».
Moldova xirici işlər nazirliyində isə bildiriblər ki, Rusiya qoşunları ölkə ərazisində qanunsuz yerləşib və onların çıxarılması üçün Rusiya ilə dialoq aparmağa hazırdırlar.
