“Şuşanı xilas etmək mümkün olsaydı, xilas edilərdi”.
FED.az xəbər verir ki, bu barədə Ermənistan Baş naziri Nikol Paşinyan parlamentdəki çıxışında bildirib.
Baş nazirin sözlərinə görə, şəhər uğrunda döyüş zamanı böyük itkilər xəyanət söhbətinə ziddir. Belə ki, son 2 gündə Şuşadan 300-dən çox erməni əsgərin cəsədi çıxarılıb.
“300-dən çox cəsəd ... Siz bu döyüşün miqyasını təsəvvür edirsiniz? Generalların və ya siyasi rəhbərliyin guya Şuşa üçün döyüşməməyi əmr etdiyini deyənlər var. O zaman bu insanlar kimin əmri ilə vuruşub öldü?”,-deyə Paşinyan vurğulayıb.
Qeyd edək ki, noyabrın 10-na keçən gecə Paşinyan Şuşanın itirildiyini və Qarabağda atəşkəs barədə üçtərəfli bəyanat imzalamaq qərarını elan etmişdi. (Qafqazinfo)
