Azərbaycanın Qarabağ bölgəsində müvəqqəti olaraq yerləşdirilmiş Rusiya sülhməramlıları 2020-ci ilin 9/10 noyabr tarixində imzalanmış üçtərəfli bəyanatı pozub.
Eləcə də bax: Sülhməramlıların səlahiyyəti barədə - Hikmət Hacıyevdən Açıqlama
FED.az xəbər verir ki, rus sülhməramlılar Qarabağ dağlarında şərti yaralanmış şəxsin təxliyyəsi ilə bağlı təlimlər həyata keçiriblər. Rusiyanın Müdafiə Nazirliyinin rəsmi saytında yer alan məlumata görə, təlim Xocalı hava limanında Mi-8 AMTŞ tipli “Terminator” helikopteri vasitəsilə keçirilib.
Qeyd olunur ki, sözügedən təlim üçtərəfli bəyanatın Qarabağda istifadə olunmasına icazə verilən hərbi texnikalar bəndini kobud şəkildə pozur. Belə ki, nəqliyyat-hücum helikopterləri sülhməramlıların yerləşdiyi ərazidə hərbi texnika siyahısına daxil edilməyib. (Haqqın.az)
