Banner

Qarabağ

"YAŞAT” Fonduna indiyədək köçürülən vəsait - Açıqlanıb

"YAŞAT” Fonduna indiyədək köçürülən vəsait - Açıqlanıb | FED.az
15:32 21 Aprel 2021

““YAŞAT” Fondu yarandığı gündən 4 istiqamət üzrə fəaliyyətini davam etdirir. Bu fəaliyyətlər çərçivəsində daha 12 qazi bu gün Türkiyəyə yola salınıb”.

Eləcə də bax: Vətən müharibəsi iştirakçıları və ailə üzvlərinin 3 milyon manata yaxın - Borcu Ödənilib

FED.az xəbər verir ki, bunu "YAŞAT" Fondunun rəhbəri Elvin Hüseynov bildirib.

Onun sözlərinə görə, bu günə qədər Fond tərəfindən Türkiyəyə müalicə üçün göndərilən qazilərin sayı 63 nəfər təşkil edir: "Onlardan 7-si artıq sağalaraq Vətənə dönüb, 56 ağır yaralı qazimizin Türkiyədəki müalicəsi davam edir".

E. Hüseynovun sözlərinə görə, qazilər o halda ölkə xaricinə aparılır ki, səhiyyə müəssisələri həmin qazinin müalicəsinin ölkə daxilində mümkün olmadığı təsdiqləyir.

Fond rəhbəri onu da  deyib ki, bu günə qədər "YAŞAT" Fonduna 32 milyon manatdan artıq vəsait köçürülüb, bu vəsaitin 18 milyonu xərclənib. (Apa)

Banner
Banner

Digər xəbərlər